Hindi lahat ng urgent ay dapat ipasa sa iba
(2 weeks ago)
Pwede bang huwag gawing urgent ang lahat?
Napansin ko lang na parang ang daling gamitin ngayon ng salitang "urgent." Kahit may mga bagay namang puwedeng naipagawa nang mas maaga, minsan kung kailan malapit na ang deadline saka pa lang ipapasa.
Tapos kapag natanggap mo na, kailangan tapusin agad. Kahit may iba ka pang pending na trabaho, kailangan mong mag-adjust. Kahit hindi mo naman kasalanan kung bakit na-late ang request, ikaw pa rin ang hahabol sa oras.
Gets naman natin na may mga pagkakataong may emergency talaga at may mga biglaang instructions. Parte na rin iyon ng trabaho. Pero sana hindi maging normal na sistema ang laging last minute.
Kasi hindi naman ibig sabihin na may computer ka sa harap mo, puwede ka nang maglabas ng completed report in five minutes. May proseso rin. May kailangang i-check, i-verify, at ayusin.
Minsan mas nakakapagod pa yung pressure ng deadline kaysa sa mismong task.
Sana matuto rin tayong magplano nang maaga at respetuhin ang oras ng ibang tao. Hindi lang naman iisang tao ang may trabaho sa isang office.
Urgent should mean genuinely urgent, hindi dahil nakalimutan lang ipagawa nang maaga.
